صــــــــــج إحراااااااااااااااااااااااااااااااااااااج

رد: صــــــــــج إحراااااااااااااااااااااااااااااااااااااج

مشاركة غير مقروءةبواسطة جاسم القبندي » الجمعة مارس 13, 2009 5:35 pm

الصراحة أنا مع صاحبة الموضوع

كلامها في رايي صحيح 100%

وهالشي ما صار في هالملتقى بس صار في القبلي بعد،،

ورايي كان إن الحفل الختامي كان في قمة السُخف وما اقصد من كلامي إني اجرح أو اقلل من اعتبار أي احد من المشتغلين بالعكس احبهم كلهم واعزهم ويعرفوني و أعرفهم ،،،

السالفة ومافيها إن المؤتمر هو مؤتمر حقوقي شبه أكاديمي وعلمي بحت ،، يعني نترك المشاعر و الجهد الفريقي و الوقت و التعب اللي تعبتوه على هالمؤتمر صوب !!!!

يعني المفروض الحفل الختامي يقتصر على تكريم المتحدثين و كلمة للرئيس يشكر فيها رؤساء اللجان و المتحدثين وبس خلاص ،، كل الملتقيات اللي على المستويات الراقية و العالية يصير فيها هلون إذا فيها حفل ختامي أصلا ...

وبغيت أقول شي إن البعض اللي كان أساس المؤتمر وكانوا موجودين واللي الملتقى ماكان بيصير أصلا ماتحجوا ولا حبوا يطلعون في الصورة ،، ومنهم سووه نفس الشي في الملتقى الأولي ..

وثاني شي احنا نعرف انكم تعبتوا و سويتوا وتحملتوا واااايد عشان هالمؤتمر بس الصراحة احرجتونا جدام كبار الضيوف بهالشي ،، وألوم اللجنة المنظمة اللي وافقت أنها تكرر مهزلة الملتقى الأول - اللي كان لها حفليين ختاميين !!! - إذا تبون تحتفلون و اطلعون اللي في قلوبكم طلعوها عقب ما الكل يمشي واحتفلوا مع بعضكم البعض لباجر ..

الكل اشتكى وحتى سألت بعض الضيوف قالوا لي إن ماتوقعوا الحفل بيكون بهالسطحية !!! وبعضهم قال إن لو مايه كان أحسن !!

وأنا أييدهم و مابي احد يزعل مني يا جماعة ..

بس قمة في السخافة الوقفة على المسرح و الدعاية اللي صارت من البعض و الكلام اللي ماله داعي إن الضيوف و المتحدثين يسمعونه ولا حتى الجمهور ،، ولاكان له داعي التصفيق و الهتافات البايخة اللي صارت من البعض جدامهم !!!

لو بعد ما الكل يمشي جان بيصير أحلى ،،

محد منع إنكم تسوون اللي سويتوه بين بعض بس جدام الكل !!! احراج كبير

و أرد ألوم اللجنة المنظمة اللي توعقت ان مايكررون مهزلة الملتقى الأولي ،، بس للأسف نفس العناصر اللي كانت موجودة نفسها كررت المهزلة ..

ومابي احد يزعل مني
جاسم القبندي
عضو
عضو
 
مشاركات: 64
اشترك في: الخميس أكتوبر 09, 2008 1:30 pm
مكان: القضيــبــية
الجنس: ذكر

رد: صــــــــــج إحراااااااااااااااااااااااااااااااااااااج

مشاركة غير مقروءةبواسطة جاسم القبندي » الجمعة مارس 13, 2009 5:46 pm

وثانياً: صحيح إن الضيوف تكرموا و اللي تعاونوا معاكم نفس الأمن و الصيانة و غيرهم ،،

لكن التكريم بعد ماكان كافي مثل ما تكررت أسامي اشخاص ما كان لهم دور في الملتقى ،،

العساكر سفهتوا لهم تسفه اليهد ولو إنهم حضروا اكثر من طلاب الحقوق كلهم ،، على طول كانوا موجودين !!

كان ممكن الحفل الختامي يكون بشكله المثالي بخطوات :

كلمة رئيس المؤتمر يشكر فيه الكل و يكرم الجهات اللي ساعدت من الجامعة أو برع الجامعة
وتكريم أو شكر - إذا ماتكرموا - للمتحدثين واحد واحد،،

شكر رؤساء اللجان شخص شخص مع فرقهم .. والختام

للأسف إن فكرة كل رئيس لجنة يتكلم خذوها من ملتقى البزنز في سنة من السنوات واللي ماصار أصلا إلا لهدف مُعين لكن اللجنة المنظمة للملتقى القبلي خذت الفكرة وعفست الدنيا ..

شدخل الرائد فلان الفلاني - مثلاً - اللي حضر عشان يسمع عن التحكيم التجاري بالفيديو اللي حطوه " شي ماشفتوه " ؟!؟!؟!؟!؟!!!!

وعقب تسوون اللي تبونه ،، بصراحة الحفل الختامي بالنسبة لي غطى على الملتقى بشكل كاااامل وطلعه في صورة تفشل
جاسم القبندي
عضو
عضو
 
مشاركات: 64
اشترك في: الخميس أكتوبر 09, 2008 1:30 pm
مكان: القضيــبــية
الجنس: ذكر

رد: صــــــــــج إحراااااااااااااااااااااااااااااااااااااج

مشاركة غير مقروءةبواسطة باسم الشرجي » الجمعة مارس 13, 2009 9:35 pm

حفل الختام مب كل شي ..

الملتقى صار عشان الكل يستفيد من موضوع التحكيم التجاري ،،

واعتقد الكل استفاد واتحدى اي شخص ينكر هالشي ،،

وهاذي كان الهدف الرئيسي والاسمى من الملتقى ،،

حفل الختام اسمه حفل ،، يعني مجرد نهاية وتتويج للمجهودات الجبارة اللي تم بذلها ،،

ومب الختام اهو هدف الملتقى ولا اساسه ،، مدام النجاح كان فالتنظيم موجود وفالفائده موجود ،، اعتقد خلااص

يكفي وجود هالعنصرين المهمين واللي الكل شهد على نجاحهم ،،

وارد واكرر حفل الختام اسمه حفل يعني لايلزم انه يكون او اتكون فيه رسميات ،،

ومثل ماهناك معارضين فيه هناك الكثير من المؤيدين ،، ولازم نتقبل كل الاراء،،

وشكراً..
صورة العضو الشخصية
باسم الشرجي
عضو
عضو
 
مشاركات: 10
اشترك في: السبت أكتوبر 11, 2008 11:37 pm
الجنس: ذكر

رد: صــــــــــج إحراااااااااااااااااااااااااااااااااااااج

مشاركة غير مقروءةبواسطة شهد سالمين » الجمعة مارس 13, 2009 11:26 pm

كلامكم صح
حفل الختام خيب التوقعات

المفروض الملتقى يكون بنفس التنظيم و المستوى في جميع فقراته
وما انيي على اخر فقرة وانقول انه حفل ختامي وعادي مو المفروض يكون رسمي
لا بالعكس المفروض الحفل الختامي
تتويج للمجهود الي بذلتوه في الملتقى كامل
لان الناس تبحث عن السلبيات اكثر من الايجابيات
يعني اذا كنا قدمنا شي ممتاز طول فترة المؤتمر
ما انروح انخرب كلشي بس عشان انعبر عن شكرنا وتعبنا
ومو المفروض الناس والحضور ايعرفون انكم تعبتوا
لانهم ما يهمهم هذا الشي
المهم عندهم في النهايه شنو طلع

يعني لو تسأل اي شخص احين رايك بالملتقى
بيقولك كان اوكي بس الحفل الختامي كان مو على المستوى المأمول
يعني راح تبقى صور الحفل اهي الي طاغية

وفعلا كنا نتمنى انه هالشي ما يصير بس
صار وان شاء الله في المرات اليايه اللجنه المنظمه تتلافى هذا الشي
شهد سالمين
اوائل الاعضاء
اوائل الاعضاء
 
مشاركات: 204
اشترك في: السبت أكتوبر 11, 2008 12:45 am
مكان: bahrain
الجنس: أنثى

رد: صــــــــــج إحراااااااااااااااااااااااااااااااااااااج

مشاركة غير مقروءةبواسطة شهد سالمين » السبت مارس 14, 2009 12:10 am

جاسم القبندي كتب:
شدخل الرائد فلان الفلاني - مثلاً - اللي حضر عشان يسمع عن التحكيم التجاري بالفيديو اللي حطوه " شي ماشفتوه " ؟!؟!؟!؟!؟!!!!



معاك حق اخوي
مو بس الرائد كل الحضور مالهم شغل في هالفيديو
لان صار كأن مثل الي يجوف برنامج وثائقي وفجأة يحطون اعلان ماله علاقه بالبرنامج

هالفيديو ينحط بعد ما يطلع الكل ويبقون المنظمين ويجوفونه بس ما يحطونه للكل
لان في مواقف ما كانت حلوة وما تتناسب مع الملتقى

كلامي وكلام اخواني عن انتقادنه للي صار اهو مجرد انه احنا انعرف مدى تعبكم
وما نبي تعبكم يروح هدر
عشان شي تافه نبي الكل يمدح الملتقى يطلع اي عيب عيله

وانتو االله يعطيكم العافية على تعبكم
واكيد انتوا بعد اتوافقونه الراي انه الي صار في النهاية شي ما كان حلو
وان شاء الله انتوا راح تاخذونه بعين الاعتبار في المرات اليايه
شهد سالمين
اوائل الاعضاء
اوائل الاعضاء
 
مشاركات: 204
اشترك في: السبت أكتوبر 11, 2008 12:45 am
مكان: bahrain
الجنس: أنثى

رد: صــــــــــج إحراااااااااااااااااااااااااااااااااااااج

مشاركة غير مقروءةبواسطة Miss_Dior » السبت مارس 14, 2009 12:45 am

أشكركم جميعآ على ردودكم ورحابة صدركم وانا معاك يا أخ باسم ,, الواحد من حقه يعبر عن فرحته بالنجاح لكن ياريت هالشي كان بينكم وبين الطلبه بس , مثل ماجفت ان الحضور كانوا من مختلف الشخصيات والمراحل العمريه وكان فيهم موظفين كبار وضباط واكيد اللي صار مايتناسب مع حضورهم , خصوصآ ان الملتقى كان على متستوى راقي جدآ واللي توقعناه ان الحفل الختامي يكون في نفس المستوى ... وحبيت اقول ان هذا الكلام مب وجهة نظري بروحي هذي وجهة نظر نسبة كبيره من الطلبه اللي كانوا حاضرين معاي , تخيل واا انقل لك هالشي من وسط الحاضرين وبين مقاعدهم , كنت اسمعهم يقولون (( شهالسخافه !!! )) غير انه في ناس سمعتهم يضحكون بإستهزااااء وهذي الشي بصراحه نرفزني وزعلني وايد ..\


أنتوا تعبتوا واشتغلتوا من حقكم تعبرون عن فرحتكم ,, لو كان الاسلوب أرقى شوي جان الكل أنجذب للحفل بس اللي انا اللي لاحظته ان الاغلب مشوا .




ومثل ماقال الاخ جاسم هذي الملتقى كان له طابع علمي واكاديمي والفروض يكون الحفل متناسب مع هالشي , على العموم اللي فات مات وان شاء الله الملتقيات القادمه تكون افضل...


تحياتي
Miss_Dior
عضو
عضو
 
مشاركات: 3
اشترك في: الخميس مارس 12, 2009 9:59 pm
الجنس: أنثى

رد: صــــــــــج إحراااااااااااااااااااااااااااااااااااااج

مشاركة غير مقروءةبواسطة Miss_Dior » السبت مارس 14, 2009 1:04 am

شدخل الرائد فلان الفلاني - مثلاً - اللي حضر عشان يسمع عن التحكيم التجاري بالفيديو اللي حطوه " شي ماشفتوه " ؟!؟!؟!؟!؟!!!!

اي والله انا معاك ياجاسم


تخيل ان الرائد هاد دوامه ومتعني عشان يسمع محاضرات في ملتقى قانوني عن التحكيم التجاري يقومون يحطون له فيديو فيه وحده مسويه روحها حوله ووحده تاكل وواحد يربط جوتيه وواحد ثوبه مبقع


:/8/: بصراحه لاااااااااااااتعلييييييييييييييق
Miss_Dior
عضو
عضو
 
مشاركات: 3
اشترك في: الخميس مارس 12, 2009 9:59 pm
الجنس: أنثى

رد: صــــــــــج إحراااااااااااااااااااااااااااااااااااااج

مشاركة غير مقروءةبواسطة محمد عبدالرحمن » السبت مارس 14, 2009 3:29 am

صرااااااااااااااحه
لو ادري ان هل السخافه بتصير جان ماوقفت وقلت كلمه الجمعية
صرناااا مصخره جدام الي يسوى والي مايسوى
يا جامعة انتو نسيتو ان نواب رئيس الجامعة كانو موجودين.
عميد شؤون الطلبة كان موجود
نسيتو الظباط الموجودين
نسيتو الدكاتره والمحامين

نسيتو طلاب الجامعات الخاصة الي احنه نذم فيهم ونقول ان احنا احسن منهم

بل الي صار العكس
مثل الي يبني ويبني
ولما خلص بنيانه اهدمه
للحفل الختامي اصوله

مابي اكمل عورني قلبي
ومابي ازيد على كلام اخوي جاسم
محمد عبدالرحمن
عضو
عضو
 
مشاركات: 6
اشترك في: الجمعة أكتوبر 10, 2008 3:21 am

رد: صــــــــــج إحراااااااااااااااااااااااااااااااااااااج

مشاركة غير مقروءةبواسطة جاسم القبندي » السبت مارس 14, 2009 4:09 am

بل،، هذي حدث تاريخي معارضة كبرى لأكبر إنجاز لجمعية كلية الحقوق وطلبة الحقوق من طلبة الحقوق أنفسهم !!!!

لا حول ولا قوة إلا بالله ،،

يلا على الرغم من اللي صار احنا فخورين برؤساء و أعضاء اللجان اليدد كل الفخر واثبتوا انهم كفوا وقد المهام وأولهم باسم الشرجي والمحمود ،،
جاسم القبندي
عضو
عضو
 
مشاركات: 64
اشترك في: الخميس أكتوبر 09, 2008 1:30 pm
مكان: القضيــبــية
الجنس: ذكر

رد: صــــــــــج إحراااااااااااااااااااااااااااااااااااااج

مشاركة غير مقروءةبواسطة شهد سالمين » السبت مارس 14, 2009 12:16 pm

[align=center]بس باوضح نقطه احنا لما انتكلم وانقول هالكلام
المفروض محد يزعل لان احنا ما قلنا هالشي الا لان ما نبي احد ينتقد الملتقى لان انا كنت منظمة واعرف شلون المنظمين تعبوا فيه
وما ارضى انه احد ايي عقب هالتعب يتكلم عن اي سلبية فيه

وانا اهني انتقد نفسي قبل لا انتقد اي شخص

وانا قلت و كل الي كتبوا قالوا انه الملتقى كان ممتاز وناجح بس كان الكلام كله عن حفل الختام يعني احنا ما شككنا في نجاح الملتقى
و لاقللنا من تعبكم فيه

وانتوا كشباب اثبتوا للكل انكم قادرين عل التنظيم واول شي اثبتوا حق الي شككوا في قدرتكم على انكم راح اتنظمون ملتقى يكون بنفس الملتقى الاول
والكل يشهد لكم بهذا الشي

وانتوا نفسكم يالمنظمين قلتوا انه الناس ادور اي سلبية عشان تتكلم عن الملتقى
فإحنا ليش نعطيهم المجال بهذا الشي

احنا كنا نقدر نسكت وما نتكلم وما انرد بس لو ما تكلمنه شلون بتعرفون سلبياتكم
وانتوا اكيد تبون اتعرفون السلبيات وما تبون الايجابيات لان الايجابيات وايد
فلازم نذكر السلبيات ونتكلم عشان هالشي يكون دافع لكم انه ما تعطون اي مجال حق اي شخص ينتقدكم

وفي النهاية ما في شي كامل
ولازم اتكون هناك سلبيات


وانا باسمي وباسم اعضاء منتدى بحرين لو
نتقدم بباقات الشكر لكم يا منظمين الملتقى الحقوقي
واحنا فخورين فيكم الأنكم كنتوا دائما تسعون انه يكون الملتقى بأفضل صورة
وبس انا حبيت اوضح هالكلام حتى ما يكون هناك زعل

والموضوع راح يغلق منعا لأي زعل
بس حق كاتبت الموضوع ا انتي كتبتي الموضوع واتمنى ما يكون القصد منه التصيد على اللجنه المنظمه
كثر ما اهو حرص منج
[/align]
شهد سالمين
اوائل الاعضاء
اوائل الاعضاء
 
مشاركات: 204
اشترك في: السبت أكتوبر 11, 2008 12:45 am
مكان: bahrain
الجنس: أنثى

السابقالتالي

العودة إلى إرشيف 2008

الموجودون الآن

المستخدمون المتصفحون لهذا المنتدى: لا يوجد أعضاء مسجلين متصلين و 0 زائر/زوار

cron