صفحة 1 من 1

يــنــاديــنـــــــــي (من كتاباتي)

مشاركة غير مقروءةمرسل: الأربعاء يوليو 22, 2009 11:48 am
بواسطة عفاف الشرقي
[align=center]صباحكم / مساؤكم حب[/align]




[align=center]صورة[/align]


[align=center]ينادينـي وتتناثــر من كفـوف المســـا نجمـات

ويقطف من ليــال الشوق قمرتـها ويهديني

تسيل الشمس لاعانق شعوره وحشة الاوقـات

يفــز الكون من زفــرة حنينـه يوم يطريني

جعـل حبـه يموّتـني ويحيــابـي عشيــر الذات

أبيــع العمــر بس انه غـلا عمري ينادينــي

تشرّبت الخيــال اللي خذاني للهــوى بسكـات

وعيّـت غربتــي تنزع بقايا الحلم من عيني

يقول الحـظ عاكسنا واقول ان الوفــا ما مـات

يقول ايامنــا غبــرا واقول الصدفـة تكفينـي

وأتــذكر معانـاتــــه مع الروحـات والجيــات

وكيف آغيظـه بصـدّي قبل ماهـو يخاوينـي

إلينه صار في دمـي ومن حبـي غـدا يقـتــات

وسلّمتــه انـا كلّـي وقلـت ارجـوك مابيــنـي

ترك هاك العشق فينــا على خد الزمن كيّـات

نمـوت وتفخـر الدنيــا بذكرى حب تشريني

أحبه كثر ما تتلى تحت صوت المطـر آيــات

واحبه كثر ما أسأل وجيه الارصفة: ويني؟

أحبه كثر ما الدمعـة لها في ناظري غـايـــات

واحبه كثر ما تــرمش بلحظة شوفتـه عيني

أحبه كثر مـا وده يضـيـــع بداخــلي اوقــــات

واحبه كثر ما أقفـي واشـوف البعـد يلغيـني

أحبه كثر ما ماتت على شفاه الصبر ضحكات

واحبه كثر ما أعلـن جـنـونــي ما يخليـنــي

أحبه كثر ما شالـت متـونـي بالخـفــا طعنــات

واحبه كثر ما قلـبـي علـى مـوتـي يهنّينــي

أحبه كثر ما الشيعة لهم في عاشرن وقفــات

واحبه كثر ما يفــدي ترابـــه كل بحرينـــي

عشانــه تحترق دنيـا ولعينـه تنحني هامــات

وكــل ذريــــة ابنــ آآآدم تلبـّّي لو ينـادينــي[/align]



[align=center]اختكم ,,
عفاف الشرقي[/align]



ملاحظة :
هذي اول مرة اشارك فيها بقصيدة لي بالمنتديات
وطبعاً يسعدني ان تكون مشاركتي الأولى في هذا الموقع بالذات
لذلك لا تحرموني من ردودكم واتمنى اني اقرا آرائكم وانتقاداتكم =)

رد: يــنــاديــنـــــــــي (من كتاباتي)

مشاركة غير مقروءةمرسل: الأربعاء يوليو 22, 2009 11:58 am
بواسطة دعاء العم
والله صح لسانج يا عفاف كلماتج وايد حلوة وتعبر عن احساس قوي

لا تحرمينا من إبداعاتج في المنتدى وننتظر المزيد منج :)

رد: يــنــاديــنـــــــــي (من كتاباتي)

مشاركة غير مقروءةمرسل: الأربعاء يوليو 22, 2009 12:02 pm
بواسطة عفاف الشرقي
صح ابدنج يالغلاااااا

مرورج عطر حبيبتي

وان شاء الله اذا لقيت تجاوب رايحة انزل قصايد ثانية

دمتي بـ ود

رد: يــنــاديــنـــــــــي (من كتاباتي)

مشاركة غير مقروءةمرسل: الأربعاء يوليو 22, 2009 5:21 pm
بواسطة فاطمة بوجيري
كلماتٌ جميلة واحساسٌ اجمل...
دمت بابداعكٍ...

رد: يــنــاديــنـــــــــي (من كتاباتي)

مشاركة غير مقروءةمرسل: الخميس يوليو 23, 2009 2:45 am
بواسطة محمدمحمد
الواضح أنه ينتظرك مستقبل باهر في كتابة الشعر وأتمني لكي التوفيق يا عفاف الاحساس

رد: يــنــاديــنـــــــــي (من كتاباتي)

مشاركة غير مقروءةمرسل: الخميس يوليو 23, 2009 7:05 am
بواسطة عفاف الشرقي
فاطمة بوجيري

اسعدني تواجدج عزيزتي
وأكيد كتاباتج ما تقل جمال عني =)




محمد

بجد اخجلتني بهذا الاطراء
أشكرك .. بحجم حضورك المبهج

رد: يــنــاديــنـــــــــي (من كتاباتي)

مشاركة غير مقروءةمرسل: السبت يوليو 25, 2009 1:14 pm
بواسطة محمد الشرقاوي
صح لسانج ياعفاف وهذا الابداع شي مو جديد عليج

رد: يــنــاديــنـــــــــي (من كتاباتي)

مشاركة غير مقروءةمرسل: السبت يوليو 25, 2009 3:14 pm
بواسطة عفاف الشرقي
صح قلبك يا محمد

و هم انت كفو ../ وشاعر ما فيك حيلة !

شكراً لك

رد: يــنــاديــنـــــــــي (من كتاباتي)

مشاركة غير مقروءةمرسل: الاثنين يوليو 27, 2009 7:14 pm
بواسطة بحر العلوم القانونية
[align=center]روعـــــــــــــــــــــــة روعــــــــــــــــــــــــــــــــــة روعـــــــــــــــــــــــــــــــة
خاصة بعض الابيات[/align]

رد: يــنــاديــنـــــــــي (من كتاباتي)

مشاركة غير مقروءةمرسل: الثلاثاء يوليو 28, 2009 1:08 pm
بواسطة عفاف الشرقي
الروعة هي روعة مرورك اخوي

شكراً لذووووقك