صفحة 1 من 2

غاب النهار

مشاركة غير مقروءةمرسل: الخميس مايو 07, 2009 2:22 am
بواسطة محمد الشرقاوي
[align=center]غاب النهار وغاب وياه فكري
واظلم علينا الوقت من دون إنذار
بدري علينا تغيب ياشوق بدري
يعلن غيابك فالحشا سيل وإعصار
واشعلت قلبي باللواهيب تدري
كثر النوازف خلت الحب تذكار
واحترت أنا وياك واحتار أمري
حب (ن) رفعته فوق أحرقني بنار
أرخصت لك في الحب يا زين قدري
واللي لقيته منك..تزييف وإنكار
أحلى سنيني عشتها وياك أدري
أذكر سهرنا ولعبنا يومنا صغار
تجري وأنا من خلفك آقوم أجري
حتى تعبنا ونفترش ارض وأحجار
والحين مدري شالذي صار مدري
كل شي تغير فيك ،، قاسي وجبار
عذرك بأن الحب هذاك عذري
والحين كل شي مختلف صرنا كبار
ليت العمر وقف ولا عاد يسري
لا ما ابتعد عنك،، تخيير وإجبار
كثر الهموم استعمرت بيت شعري
لجل الغرام اكتب فريدات الأشعار
ياللي بكل ليلة على البال تطري
تعزف لي الأحزان أنغام مزمار
حتى الفرح غادر شرايين صدري
والعين تذرف دمعها وابل أمطار
دمعي على وجني كما أنهار تجري
كثر البكا سبب على الخد آثار
كثر المدامع بللت حيل حجري
والعين لا زاد البكا تفقد إبصار
والناس لا منها عمت كيف تسري
والحب أعمى مسلكه شوك وأخطار
واللي يحب يقول مكتوب عمري
هذا القدر ومسببه رب الأقدار
بصبر على فرقاك ولو طال صبري
لابد ترد فيوم لو هالزمن دار
لو غابت الأقمار ويغيب بدري
وتظل سمانا معتمة دونما أقمار
وأبقى على ذكراك ويظل ذكري
سيرة على لسان الملا بين الأذكار
جفت ينابيع الغلا ومات زهري
يا كيف أحيا من بعد موت الأزهار
وأختم قصيدي كلها وبيت شعري
بأول شطر قلته بدايات الأشعار
غاب النهار وغاب وياه فكري
وأظلم علينا الوقت من دون إنذار[/align]

رد: غاب النهار

مشاركة غير مقروءةمرسل: الخميس مايو 07, 2009 2:41 pm
بواسطة أبرار علي
[align=center]صح لسااانك برذر[/align]

رد: غاب النهار

مشاركة غير مقروءةمرسل: الخميس مايو 07, 2009 6:11 pm
بواسطة محمد الشرقاوي
صح بدنج سسترو نورتي الصفحة

رد: غاب النهار

مشاركة غير مقروءةمرسل: الخميس مايو 07, 2009 6:12 pm
بواسطة الديمقراطي
كلام جميل :/1/:

رد: غاب النهار

مشاركة غير مقروءةمرسل: الخميس مايو 07, 2009 9:15 pm
بواسطة محمد الشرقاوي
مرورك هو الأجمل أخي الكريم نورت

رد: غاب النهار

مشاركة غير مقروءةمرسل: الخميس مايو 07, 2009 10:56 pm
بواسطة دعاء العم
صح لسانك يا الشرقاوي وسلمت يمناك

رد: غاب النهار

مشاركة غير مقروءةمرسل: الخميس مايو 07, 2009 11:15 pm
بواسطة محمد الشرقاوي
تسلم لي طلتج الحلوة يا دعاء

رد: غاب النهار

مشاركة غير مقروءةمرسل: الاثنين مايو 11, 2009 12:44 am
بواسطة بيان العلي
[align=center]والناس لا منها عمت كيف تسري
والحب أعمى مسلكه شوك وأخطار
واللي يحب يقول مكتوب عمري
هذا القدر ومسببه رب الأقدار



::::
:::
::
:

روووعـــــــــــــــه القصيدة بصراحة

:

وهالبيتين قمـــــــــة الروعــــــه

:

صح لسااانك وربي يوفقك

:[/align]

رد: غاب النهار

مشاركة غير مقروءةمرسل: الاثنين مايو 11, 2009 9:38 am
بواسطة محمد الشرقاوي
يسلموووووو بيان نورتي يالشيخة

رد: غاب النهار

مشاركة غير مقروءةمرسل: الاثنين مايو 11, 2009 7:42 pm
بواسطة محسن الغريري
يه يه يه


حركااااااااااااااات الشرقاوي


كل ذي يطلع منك؟؟؟



صح لسانك


يعطيك العافيه


كلام رووووووووعه وجميل




لاتحرمنا من ابداعاتك اليديده