ألاليت الزمان يرد

قسم يختص بالأدب , شعر , نثر , قصص ..

ألاليت الزمان يرد

مشاركة غير مقروءةبواسطة محمد الشرقاوي » الاثنين مارس 16, 2009 1:38 am

[align=center]على غفلة وبلا ميعاد
وأبد ماكان في الحسبان
أنا مدري وش اللي صار
وحرك داخلي الأشجان
ألا ليت الزمان يرد
ويرجع ماضي اللي كان
وأتذكر قديم الوقت
قبل لا تمضي الازمان
أبرجع للورا لحظة
أجدد فيني الانسان
وقمت أحسب و أفكر جد
وأعيد الحسبة والميزان
بديت أوزن أموري صح
وأحط لكل شي حسبان
بديت أمشي على منهج
على مبدأ وله عنوان
على سنة رسول الله
على هدي وخطى القرآن
مشيت بدرب كله حب
حب الله وحب الاوطان
أحب أهلي وأحب ناسي
وأحب الخير والاحسان
وأحب أقول لكم عبرة
أبي تفتح لها الآذان
مو أي حب يعني حب
ولا أي لولو يعني دان
ولا كل البشر صادق
ولا كل البشر أخوان
مرة يجيك فيهم زين
ومرة بتلتقي التعبان
ترى الدنيا بحر غامض
تجي لك دايم بألوان
مرة تجيك بالابيض
تقول انها ملاك وبان
ومرة تجيك بالأسود
تمثل صورة الشيطان
ترى الدنيا مثل حية
تقطّر سم من اللسان
ترى هالدنيا غدارة
وأبد لاتآمن لثعبان
وأبد في يوم لا تفكر
تحط ايدك بيد انسان
مو قد الثقة و يطلع
فاقد للشرف خوان
تأكد قبل ما تجدم
بأن السالفة ميزان
ولا تقبل يقين و شك
لأنها واضحة وتبان
بتندم لو بتتسرع
بتلقى نفسك الخسران
وبتجي يوم تتحسر
وتصيح بألم ندمان
وتعض بأسى كفك
تبي تعاني من الحرمان
ياخي ليش مستعجل
ترى العجلة من الشيطان
كلامي صح يا اخواني
ولا بشي أنا غلطان
خلاص آحس أنا طولت
وفي بالي كلام اطنان
وإذا كان الحكي فضة
سكوتي من ذهب يا اخوان
[/align]
صورة العضو الشخصية
محمد الشرقاوي
عضو
عضو
 
مشاركات: 47
اشترك في: الخميس أكتوبر 09, 2008 12:02 am
الجنس: ذكر

رد: ألاليت الزمان يرد

مشاركة غير مقروءةبواسطة الصقر الذهبي » الاثنين مارس 16, 2009 4:44 pm

صح لسااااااااااااااااااااااااااااااااااااااااااااانك الشرقاوي
يالهذه الكلمات اللي تقطر مشاعر واحاسيس وحياة الواقع
تسلم شرقاوي وماقصرت بصراحه
الصقر الذهبي
عضو
عضو
 
مشاركات: 17
اشترك في: الخميس مارس 05, 2009 11:32 pm
مكان: شرقاوي
الجنس: ذكر

رد: ألاليت الزمان يرد

مشاركة غير مقروءةبواسطة محمد الشرقاوي » الاثنين مارس 16, 2009 10:26 pm

صح بدنك عزيزي
صورة العضو الشخصية
محمد الشرقاوي
عضو
عضو
 
مشاركات: 47
اشترك في: الخميس أكتوبر 09, 2008 12:02 am
الجنس: ذكر


العودة إلى الخواطر الأدبية

الموجودون الآن

المستخدمون المتصفحون لهذا المنتدى: لا يوجد أعضاء مسجلين متصلين و 1 زائر