3 سنين

قسم يختص بالأدب , شعر , نثر , قصص ..

3 سنين

مشاركة غير مقروءةبواسطة محمد الشرقاوي » الاثنين ديسمبر 22, 2008 11:43 pm

[align=center]هذي قصيدتي الثانية في هذا المنتدى وان شاء الله تعجبكم


ثلاث سنين أنا صابر يحن لقلبي ويرجع

ثلاث سنين أنا اتحرى رجوعه ويومه الموعود

على زود الصبر بصبر حشاي اللداخلي تقطع

ويجيني بآخر الموعد تراه الجود بالموجود

سقاني من العشق سمه وأكثر يمكن اتوقع

وش اقوى بعد أكثر من نكرانه والجحود

أنا كنت بحشا قلبه على عرش الغلا اتربع

وهو في داخلي ساكن وله صرح الغلا ممدود

كنت بقلبه الحاكم أصول آجول واتدلع

وله في خافقي بستان يقطف كل يوم ورود

ولي عنده طلب وصغير ابي يتكرم ويسمع

أبي يفهم معاني الحب وابي للمهزلة ذي ردود

أنا منه كرهت الحب وأنا اللي كنت به مولع

وأنا ماشفت منه غير أوهام وليال ٍ سود

ليش القسوى في قلبه وهذا الحقد يتجمع

مدري راضع من ابليس او هو من نسل نمرود

ابيه يفسر افعاله يجوز بشرحه أنا اقنع

ابي منه يعرف انه بهجرانه يخط حدود

شفت شلون سوا خلا قليبي يتوجع

ترى ذي حالتي وياه حالي أردى يابو سعود

ترى الشكوى لغير الله مذلة بس ابي يرجع

عشان يقول لي مرة ليش تبدلت الوعود

وإذا لي خاطر عنده ابيه يحس ويتشجع

ابا استفسر عن الماضي عن فراقه وش المقصود

أنا مابيه يجاملني ولا بي منه يتصنع

ولا ابي يرسل الدمعة سيول وبللت الخدود

ترى ماني على خبره مثل ماكان يتوقع

حبيبه ماهو الاول تراني ماني المعهود

حلفت آصير له نقمة اشب بدنيته آولع

حلفت آصير له كابوس اعبيها سماه رعود

لأخليه بأسى يصرخ وأبي كل الملا تسمع

وأنا في نيتي آعذبه قسمت بربي المعبود

أنا ماني حقود وشين ولا بي شر مجمع

ولا حتى خفوقي يوم يتحول صخر جلمود

ابيه يحس فيني بس يفكر مرة يسترجع

يشوف ان الحقد اصله من اخلاق البشر منقود

سهرت سنين واتريا يحن لقلبي ويرجع

عيوني ماتذوق النوم ساهر والأنام رقود

على زود الصبر بصبر حشاي اللداخلي تقطع

ويجيني بآخر الموعد تراه الجود بالموجود
[/align]
صورة العضو الشخصية
محمد الشرقاوي
عضو
عضو
 
مشاركات: 47
اشترك في: الخميس أكتوبر 09, 2008 12:02 am
الجنس: ذكر

Re: 3 سنين

مشاركة غير مقروءةبواسطة دعاء العم » الأربعاء ديسمبر 24, 2008 8:57 pm

والله صح لسانك يا محمد على هالقصيدة

والله أنها مليئة بالاحاسيس

ويعطيك العافية
[align=center]عدوك مذموم بكل لسان ~ ولو كان من أعدائك القمران
ولله سر في علاك وإنما ~ كلام العدا ضرب من الهذيان
أتلتمس الأعداء بعد الذي رأت ~ قيام دليل أووضوح بيان؟
رأت كل من ينوي لك الغدر يبتلى~ بغدر حياة أو بغدر زمان
لو الفلك الدوار أبغضت سعيه ~ لعوقة شيء عن الدوران[/align]
دعاء العم
اوائل الاعضاء
اوائل الاعضاء
 
مشاركات: 280
اشترك في: السبت أكتوبر 11, 2008 6:37 pm
الجنس: أنثى

Re: 3 سنين

مشاركة غير مقروءةبواسطة محمد الشرقاوي » الأربعاء ديسمبر 24, 2008 11:35 pm

صح بدنج يا دعاء نورتي الصفحة
صورة العضو الشخصية
محمد الشرقاوي
عضو
عضو
 
مشاركات: 47
اشترك في: الخميس أكتوبر 09, 2008 12:02 am
الجنس: ذكر

Re: 3 سنين

مشاركة غير مقروءةبواسطة عفاف الشرقي » الخميس ديسمبر 25, 2008 12:10 am

صح احساسك محمد :/26/:

بانتظار جديدك ..
[align=center]رغم تعقيدة مزاجي ما عرفت الانقسام
ثابته وان مال حظي ممتلي ضعفي عزوم
ما بنيت ابراج ذاتي من تعاسة بن حرام
ولا ترفعت بحياتي من ورى طيحة رخوم
[/align]


[align=center]http://abyat.com/poet.php?id=14925[/align]
صورة العضو الشخصية
عفاف الشرقي
نائب رئيس المنتدى
نائب رئيس المنتدى
 
مشاركات: 52
اشترك في: الثلاثاء أكتوبر 28, 2008 4:08 pm
الجنس: أنثى

رد: 3 سنين

مشاركة غير مقروءةبواسطة محمد الشرقاوي » السبت يناير 03, 2009 10:51 pm

اشكرج ياعفاف نورتي الصفحة
صورة العضو الشخصية
محمد الشرقاوي
عضو
عضو
 
مشاركات: 47
اشترك في: الخميس أكتوبر 09, 2008 12:02 am
الجنس: ذكر


العودة إلى الخواطر الأدبية

الموجودون الآن

المستخدمون المتصفحون لهذا المنتدى: لا يوجد أعضاء مسجلين متصلين و 7 زائر/زوار

cron